Pakistan aur Bangladesh ke darmiyan shuru hone wali Test series ka pehly test match ka pehla din cricket fans ke liye kafi batting friendly raha. Sher-e-Bangla stedium Dhaka ki is greenish pitch par, jahan Pakistan ne toss jeet kar pehle bowling ka faisla kiya, wahan din ke 3no hi session Bangladesh ke naam rahy. Pehle din ke khetaam par Bangladesh ne apni behtareen batting se Pakistan ko backfoot par dhakel diya hai.
Pakistan Ka Toss Jeet Kar Bowling Ka Faisla
Pakistan k Captain Shan Masood ne greenish pitch ko dekhte huwe toss jeet kar bowling ka faisla kiya aur Bangladesh ko batting ki dawat di. Pakistan ki taraf se pehly test match mein Azan Awais or Abdullah Fazal ne debut kiya. Pakistan ki taraf se Shaheen Shah Afridi aur Mohammad Abbas ne nai gend se aghaz kiya. 1st session k haul an hour mein fast bowlers ko pitch se madad mil rahi thi, Pakistan fast bowlers ne Bangladesh ke openers ko jald hi pavillion ki rah dekhi.
Bangladesh ki Batting:
Bangladesh ki taraf se is test match mein Mahmudul Hasan Joy 8 runs bana kar Shaheen Shah Afridi ki bowl per Muhammad Rizwan k hatho catch out hue. Bangladesh ke dusre opener Shadman Islam 13 runs bana kar Hasan Ali ki bowl per Salman Ali Agha ke hatho catch out hue. 31 runs per Bangladesh ki dusre wicket giri. Lekin line aur length mein thodi be-tartibi ki wajah se Bangladesh ne 3rd wicket per 170 runs ki record partnership lagi.
- Najmul Hossain Shanto: Captain Najmul Hossain Shanto ne zimmedarana batting karte hue is test match apni career ki 8th century mukammal ki aur team ko ek bada total dene ki rah hamwar ki.
- Mominul Haque: Mominul ne is test match mein apni 26th Test Fifty banayi aur 91 runs ki aik behtareen innings kheli.
Najmul Hossain Shanto or Mominul Haque ne 3rd wicket per 170 runs ki partnership lagai. Jis ka ikhitaam Muhammad Abbas ne kiya. Najmul Hossain Shanto 101 runs bana kar Muhammad Abbas ki bowl per lbw hue.
Pakistan Ki Bowling:
Pakistan ki bowling aaj thodi slow nazar aayi. Khas taur par Noman Ali ne kafi no-balls karwai aur unki length mein tasalsul ki kami dikhi. Halanki unho ne Mominul Haque ki ahem wicket hasil ki, lekin tab tak Bangladesh ka score 250 se upar ho chuka tha. Pakistan k fielders ne bhi aaj kafi mayus kiya aur kuch ahem catches drop hue, jis ka bangladeshi batsmeno ne bharpoor faida uthaya.
Din ke aakhri session mein Mushfiqur Rahim aur Liton Das ne wicket sambhali. Mushfique Rahim ne 104 balls khel kar 48 runs banaye jis may 6 boundries bhi shamil thi or wicket ke dusri taraf Liton Das ne 35 balls per 8 runs bana kar crease not out rahy.
Din ke ahtitam per pakistan ki bowling card mein Shaheen Shah Afridi ne 19 overs may 67 runs de kar 1 wicket hasil ki or 5 maiden overs karwaye. Muhammad Abbas ne 22 overs may 51 runs de kar 1 wicket hasil ki in k 22 overs mein 7 overs maiden rahy. pakistan ki first change per bowling karwane any waly Hasan Ali ne 18 mein 54 runs de kar 1 wicket hasil ki jis may 3 maiden over shamil thy.
Pakistan ki janeb se spinners ki baat ki jaye to Nouman Ali ne 20 overs mein 80 runs de kar 1 wicket hasil ki. pakistan ke dusre spinner Salman Ali Agha ne sirf 6 overs karwa k 25 runs diye.
Pakistan Playing xi:
Azan Awais, Imam ul Haq, Abdullah Fazal, Shan Masood, Saud Shakeel, Muhammad Rizwan, Salman Ali Agha, Shaheen Shah Afridi, Noman Ali, Hasan Ali, Muhammad Abbas.
Bangladesh playing xi
Mahmudul Hasan Joy, Shadman Islam, Mominul Haq, Najmul Hossain Shanto, Mushfique Rahim, Liton Kumar Das, Mehidy Hasan Miraz, Taijul Islam, Taskin Ahmad, Nahid Rana, Ebadot Hossain.